konkurs na fotoreportaż, film i fotokast

JASTRZYMBIOKI

Autor: maka2016

Jastrzymbioki to je taki rychtyg śląski zespoł, kiery od roku 2003 śpiywo stare pieśniczki, gro na roztomańtych instrumyntach , godo, rozprowio i uczy rozprowiać bajtle i niy yno, bo tyż kożdego kiery niy poradzi, a chce sie co dowiedzieć o folklorze śląskim. Przeblykomy sie we stare lonty, taki jak miywały nasze starki i prastarki i idymy w nich obleczone tam, kaj yno nos zapraszajom – na roztomańte festyny, biesiady, fojerki, odpusty, przeglądy i kaj yno idzie. Skuli tego, że wiela z naszych bob je już starkami chcymy muzykować wroz z bajtlami i najbardzij im przekazować nasze stare zwyki i godki, toż chodzymy na roztomańte lekcje regionalizmu, a dziecka rade z nami śpiwajom i rade tyż nos słochajom. Som my paradne i skuli tego momy se w zocy jak kiery chce nom robić fotografije, skuli tego nasze gryfne stroje zostanom dłożyj w ludzkij pamiynci. Ewelina Kuśka - Jastrzymbioki